احمد قصة واقع فاق الخيال الفرق بين الصورتين ١٠ أيام و معاناة كبيرة
كانت علاقتي ب احمد سطحية جدا علشان كل مرة اشوفة و افحصة و بعدين أخرجة برة علشان أقول لاهله الخطورة الرهيبة و بكون متعصب و متوتر من خطورة حالتة و هو كل ما يقابلني يبتسم احمد كان عندة واحد من أسوأ أنواع تشوه العمود الفقري ثانوي لمرض في الأورام الليفية العصبية و كانت حالتة مهملة جدا لدرجة انه دخل العمليات و خرج و لم يجري الجراحة نظرا لخطورة حالتة و دا كان من ٤ سنوات
اهلة لم يهملوا و لكن لم يجدوا اي امل في اجراء جراحة نظرا للخطورة المطلقة و حالتة تدهورت تدهور بشع خلال الأربع سنوات الماضية و الاعوجاج و التحدب ذاد زيادة مفرطة و حصل تاثير كبير علي التنفس و كل دا بالإضافة لطبيعة التشوة الثانوي اللي عندة بيخلي الموضوع صعب جامد
كل ما أقول لوالدة الموضوع خطير جدا يقولي يا دكتور انا عارف انك بتتحدي نفسك و عملت اخطر منه بكتير و انا متاكد ان احمد هيطلع كويس معاك قوم انا اتجنن اكتر و اخاف اكتر و أتوتر اكتر و أعيد تاني المخاطر علية و أقولة انا نفسي مش متاكد يا حاج انه يطلع كويس، فقالي بردة موافق علي اي مخاطر لان بدون عملية حياتة واقفة و طريقة محسوم و ربنا يكرمنا ان شاء الله
أخدنا القرار و دخلنا احمد غرفة الكشف و لقيتة مبتسم كالعادة فقولتلة تعالي يا احمد نتصور مع بعض نشوفك هيحصلك ايه بعد العملية و دي كانت احسن حاجة عملتها علشان سمحتلنا نتصور صورة تانية بعد العملية ب ١٠ أيام و نشوف الفرق الرهيب دا في شكل احمد، احمد بقي إنسان تاني حرفيًا سواء علي المستوي النفسي او العضوي. احمد بيمثل لي مقولة ان الواقع احيانا بيكون احلي من الخيال علشان مها تخيلت او اي حد علي وجة الأرض تخيل وصول احمد للواقع دا مكانش الخيال ممكن يوصل للنتيجة دا
الحمد لله علي الواقع و علي كرم ربنا