تشوة صعب و الناس كانت بتتنمر عليها جامد لدرجة مكانتش تقدر تخرج من البيت

هو الموضوع معقد جدا تشوة صعب و الناس كانت بتتنمر عليها جامد لدرجة مكانتش تقدر تخرج من البيت و فقدت الامل في كل شئ و أهملت حتي في نفسها كانت محتاجة قرار صعب عن افضل كيفية للتدخل لان كان عندها مشكلتين كبار و دا كان تحدي كبير يتحكي لوحدة كنت كل مرة أشوفها بعد العملية انبهر جدا لاني مش ناسي تفاصيلها وكل مرة اشوف ازاي بقت إنسانة تانية جديدة شوفتها اخر مرة لما كملت سنتين علي العملية و بقت إنسانة تانية مختلفة تماما و منفتحة علي الحياة و مسامحة كل اللي اتنمرو عليها و علي شكلها زمان في مرض مش هي اللي جابتة لنفسها

النتائج دي اللي بتديني طاقة و امل في أصعب اللحظات و هي بردة اللي بتخليني دائما افتكر اننا مضيعناش عمرنا في العلم بالعكس احنا استثمرنا عمرنا في العلم قال تعالي: {فَأَمَّا الزَّبَدُ فَيَذْهَبُ جُفَاءً وَأَمَّا مَا يَنفَعُ النَّاسَ فَيَمْكُثُ فِي الأَرْض} (سورة الرعد: 17)